საქართველოში თვითმმართველობის არჩევნები მიმდინარეობს. მთელი ქვეყნის მასშტაბით, 3634 საარჩევნო და 10 გამონაკლის შემთხვევაში შექმნილი უბანია ( ისნის, გლდანის, რუსთვის, ქსანის, მცხეთის, წყალტუბოს, ქუთაისისა და ბათუმის ოლქებში შემავალი სასჯელაღსრულებითი დაწესებულებები) გახსნილი.

მოქალაქეები ხუთ თვითმმართველ ქალაქში - თბილისი, რუსთავი, ქუთაისი, ფოთი და ბათუმი და 59 მუნიციპალიტეტში მერებსა და საკრებულოს შემადგენლობას 4 წლის ვადით ირჩევენ.

თვითმმართველობის არჩევნები შერეული - პროპორციული და მაჟორიტარული სისტემით ტარდება.

ქვეყნის მთელს ტერიტორიაზე, ოკუპირებული რეგიონების ჩათვლით, 84 მაჟორიტარული ოლქია, თუმცა საქართველოს მოქალაქეებს ხმის მიცემის შესაძლებლობა 73 მაჟორიტარულ ოლქში აქვთ.

ოფიციალური მონაცემებით, ამომრჩეველთა ერთიან სიაში 3 440 123 ადამიანია. ამომრჩევლები, თვითმმართველი ქალაქებისა და მუნიციპალიტეტების ჩათვლით, 64 მერსა და, შესაბამისად, 64 საკრებულოს 2058 წევრ ირჩევენ.

მერობის კანდიდატებისთვის ყველაზე მაღალი - 50%-იანი ბარიერია დაწესებული. გამარჯვებულად ჩაითვლება ის კანდიდატი, რომელიც 50%+1 ხმას მიიღებს. თუ მერობის კანდიდატები დაწესებულ ბარიერს ვერ გადალახავენ, პირველი ტურიდან არაუგვიანეს 25 დღეში, არჩევნების მეორე ტური საუკეთესო შედეგის მქონე ორ კანდიდატს შორის იმართება. საკრებულოს მაჟორიტარებს შორის გამარჯვებულად ის ჩაითვლება, ვისაც ხმას ამომრჩეველთა უმეტესობა მისცემს.

2017 წლის თვითმმართველობის არჩევნებში სულ 27 საარჩევნო სუბიექტი მონაწილეობს. მათ შორის 5 საარჩევნო ბლოკი (2 – „ბაქრაძე, უგულავა-ევროპულისაქართველო”, 3 -დიმიტრი ლორთქიფანიძე, კახაკუკავა-დემოკრატიული მოძრაობა-თავისუფალი საქართველო”, 5-ერთიანი ნაციონალური მოძრაობა”, 27- გიორგი ვაშაძე - ერთობა ახალი საქართველო, 38 - სახალხო-ხალხის ერთსულოვნება” ). 22 პოლიტიკური პარტია:

1-„მოძრაობა სახელმწიფო ხალხისთვის"

4- „გაერთიანებული დემოკრატიული მოძრაობა"

6- „საქართველოს რესპუბლიკური პარტია",

7-„თამაზ მეჭიაური ერთიანი საქართველოსთვის“

8-„ საქართველოს პატრიოტთა ალიანსი"

9 – „მემარცხენე ალიანსი",

10- „საქართველოს ლეიბორისტული პარტია“

11 –„ეროვნულ-დემოკრატიული მოძრაობა"

14- „საქართველოს ერთობისა და განვითარების პარტია"

15- „მშრომელთა სოციალისტური პარტია“

17- პარტია "საქართველო",

18- „ქართველ ტრადიციონალისტთა კავშირი“

20- „ეროვნული ფორუმი"

22- „მერაბ კოსტავას საზოგადოება,"

23- ახალი ქრისტიან-დემოკრატები",საქართველოსთვის",

28-„სამართლიანობის აღდგენის კავშირი ხმა ერისა: უფალია ჩვენი სიმართლე",

29- „ახალი მემარჯვენეები",

31-თავისუფლება - ზვიად გამსახურდიას გზა"

34- მამულიშვილთა ორდენი„სამშობლო“,

37-საქართველოს ერთიანი კომუნისტური პარტია,

39- "პროგრესულ-დემოკრატიული მოძრაობა",

41- „ქართული ოცნება - დემოკრატიული საქართველო" და ერთი საინიციატივო ჯგუფია(თეიმურაზ ტონია; . ფატმან ბარჯაძე; .შალვა კარელიძე; გიორგი ბაბაშვილი;.ივანე ნორაკიძე).