პარლამენტში ნარკოპოლიტიკის შესახებ იმსჯელებენ. იურიდიულ საკითხთა კომიტეტში საკანონმდებლო ინიციატივის განხილვა შედგება. მისი მთავარი მიზანი ნარკომოხმარების დეკრიმინალიზაციაა. თუმცა, ამ ეტაპზე უცნობია, შეჯერდებიან თუ არა კანონპროექტზე დეპუტატები, მთავრობისა და არასამთავრობო სექტორის წარმომადგენლები. იურიდიულ საკითხთა კომიტეტის თავმჯდომარე ამბობს, რომ ნარკორეალიზატორთა მიმართ მკაცრი სასჯელი უნდა შენარჩუნდეს, მომხმარებლებს კი სახელმწიფომ შესაბამისი სერვისები უნდა შესთავაზოს.