დღეიდან საარჩევნო ბიულეტენების ბეჭდვის პროცესი დაიწყო, მათ შორის ეთნიკური უმცირესობების ენებზეც.

21 ოქტომბერს ამომრჩეველს სამი სახის ბიულეტენი გადაეცემა - ცისფერი განკუთვნილია პროპორციული არჩევნებისთვის პარტიის ან საარჩევნო ბლოკისთვის, ვარდისფერი ბიულეტენი - საკრებულოს მაჟორიტარი წევრების ასარჩევად, მწვანე ფერის ბიულეტენით კი ამომრჩეველი თვითმმართველი ქალაქის ან თემის მერს აირჩევს.

ცესკო-ს საბოლოო მონაცემებით, ამომრჩეველთა ერთიან სიაში, საერთო ჯამში 3 მილიონ 440 ათას 123 მოქალაქეა რეგისტრირებული.