უკრაინის პრეზიდენტი პეტრო პოროშენკო ამბობს, რომ ქვეყნის ტერიტორიებით არასდროს ივაჭრებს. ეს განცხადება პოროშენკომ სტრასბურგში, ევროსაბჭოს საპარლამენტო ასამბლეის სხდომაზე სიტყვით გამოსვლისას ჩეხეთის პრეზიდენტის მილოშ ზემანის განცხადების საპასუხოდ გააკეთა.
„მე მტკიცედ უარვყოფ იმ ადამიანების მტკიცებულებებს, ვინც საუბრობს ყირიმზე, როგორც დასრულებულ საქმეზე“, - აღნიშნა პოროშენკომ.
უკრაინის პრეზიდენტის თქმით, ევროსაბჭოს საპარლამენტო ასამბლეის ტ რიბუნა არ შექმნილა ფულის, ნავთობისა და გაზის სანაცვლოდ ტერიტორიებით ვაჭრობის მოწოდებებისთვის, არამედ ის შეიქმნა ევროპის ღირებულებებისა და პრინციპების დასაცავად.
„მხოლოდ უკრაინის სუვერენიტეტისა და ტერიტორიული მთლიანობის პატივისცემის საფუძველზე შესაძლებელია ევროპაში მშვიდობისა და სტაბილურობის მიღწევა“, - განაცხადა პოროშენკომ.
შეგახსენებთ, 10 ოქტომბერს სტრასბურგში, ევროსაბჭოს საპარლამენტო ასამბლეის სესიაზე სიტყვით გამოსვლისას ჩეხეთის პრეზიდენტი მილოშ ზემანი უკრაინისთვის ყირიმის სანაცვლოდ ფულის გადახდისა და ნახევარკუნძულის ანექსიის დაკანონების ინიციატივით გამოვიდა. მან ასევე რუსეთისთვის სანქციების გაუქმება მოითხოვა. მილოშ ზემანის განცხადებას უკრაინის მხრიდან მწვავე კრიტიკა მოჰყვა.
ჩეხეთის პრემიერ-მინისტრმა კი განაცხადა,რომ ზემანის განცხადება ქვეყნის მთავრობის პოზიციას არ ასახავს.