მორიგი სასამართლო პროცესი გაიმართა ბიზნესმენ ბესიკ ხარძიანისთვის კუს ტბის წილების იძულებით ჩამორთმევის საქმეზე.
ალექსანდრე მუხაძის და გია უდესიანის ბრალდების ეპიზოდზე პროკურატურის მოწმეებს მოუსმინეს. მათ შორის ყოფილი მსჯავრდებული და გლდანის მე-8 სასჯელაღსრულების დაწესებულების ყოფილი თანამშრომლები არიან.
დავით კვაჭანტირაძემ, რომელიც წლების წინ ალექსანდრე მუხაძის მოადგილე იყო, გლდანის მერვე სასჯელაღსრულების დაწესებულებაში არსებულ ვითარებაზე ისაუბრა. მან განმარტა, რომ ხარძიანი ე.წ სპეციალურ საკანში იყო მოთავსებული, სადაც სათვალთვალო კამერები იყო დამონტაჟებული ინფორმაციის მოსაპოვებლად კი ე.წ აგენტ პატიმრებსაც ათავსებდნენ.
შეგახსენებთ, საქმეში მუხაძეს და უდესიანს ბრალად ედებათ ციხეში ბესო ხარძიანის წამების ორგანიზება და ქონების იძულებით დათმობა. ასევე, ალექსანდრე მუხაძეს ბრალად ედება უფლებამოსილების გადამეტება.
საქმის არსებითი განხილვა 2016 წლიდან მიმდინარეობს.