საქართველოს ეროვნული საფეხბურთო ნაკრები მსოფლიო 2018 წლის ჩემპიონატის საკვალიფიკაციო ეტაპის მეცხრე მატჩს უელსის ნაკრებთან ჩაატარებს. დღევანდელ შეხვედრას მსოფლიოს ერთ-ერთი საუკეთესო ფეხბურთელ გარეთ ბეილი გამოტოვებს. საქართველოს ნაკრების შემადგენლობაში კი ჯანო ანანიძე, თორნიკე ოქრიაშვილი და ლევან მჭედლიძე არ იქნებიან.

საქართველოსა და უელსის საფეხბურთო ნაკრებთა დაპირისპირება წუთიერი დუმილით დაიწყება. ამ ფორმით ორივე ნაკრების წევრები საფეხბურთო კლუბ „ზუგდიდის“ მეკარის შოთა მამინაშვილის ხსოვნას პატივს მიაგებენ. 31 წლის მეკარე, 1 ოქტომბერს გარდაიცვალა.

მატჩი "დინამო არენაზე" დღეს 20:00 საათზე დაიწყება. შეხვედრაზე დასასწრები ბილეთები როგორც ონლაინ, ასევე "დინამო არენას" სალაროებში იყიდება, რომლის ფასი 5,10,15 და 25 ლარია. შეხვედრის პირდაპირ ტრანსლაციას პირველი არხი შემოგთავაზებთ.

საქართველოს ნაკრების შემადგენლობა:

მეკარეები: გიორგი ლორია (ანჟი, რუსეთი), გიორგი მაკარიძე (მორეირენსე, პორტუგალია), ნუკრი რევიშვილი (დინამო, თბილისი);

მცველები: ოთარ კაკაბაძე (ხიმნასტიკი, ესპანეთი), უჩა ლობჟანიძე (ატირაუ, ყაზახეთი), გურამ კაშია (ვიტესი, ჰოლანდია), სოლომონ კვერკველია (ლოკომოტივი, რუსეთი), ლაშა დვალი (პოგონი, პოლონეთი) დავით ხოჭოლავა (შახტარი, უკრაინა) გიორგი ნავალოვსკი (სკა ენერგია, რუსეთი), ლაშა შერგელაშვილი (რიგასი, ლატვია);

ნახევარმცველები: ნიკა კვეკვესკირი (ტობოლი, ყაზახეთი), ჯაბა კანკავა, ვაკო გვილია (ბატე, ბელარუსი), გიორგი აბურჯანია (სევილია, ესპანეთი), ვაკო ყაზაიშვილი (სან ხოსე ერსქვიკსი, აშშ), გიორგი მერებაშვილი (ვისლა, პლოცკი, პოლონეთი), ჯაბა ჯიღაური (ვარდარი, მაკედონია), გიორგი ჭანტურია (ურალი, რუსეთი), ოთარ კიტეიშვილი (დინამო, თბილისი), ლუკას ჰუფნაგელი (ნიურნბერგი, გერმანია);

თავდამსხმელები: გიორგი ქვილითაია (რაპიდი, ავსტრია), ლადო დვალიშვილი (ატირაუ, ყაზახეთი), დავით სხირტლაძე (სილკებორგი,დანია), ირაკლი სიხარულიძე (ლოკომოტივი, თბილისი).

D ჯგუფის სხვა მატჩები

ირლანდია-მოლდოვა 22:45

ავსტრია-სერბეთი 22:45

9 ოქტომბერი

სერბეთი-საქართველო 22:45

უელსი-ირლანდია 22:45

მოლდოვა-ავსტრია 22:45