პირველი არხი მოქალაქეების არჩევანს ელის. უკვე 20 საათზე მეტია ჩვენს ვებგვერდზე გამოკითხვა მიმდინარეობს. ახლა საზოგადოებამ უნდა გადაწყვიტოს, როგორი დიზაინი ექნება ტელევიზიის ახალ შენობას. შეთავაზებულია სამი არქიტექტურული პროექტი, რომლებიც შენობის ფუნქციონალური გამართულობის კრიტერიუმებს აკმაყოფილებს.

გამოკითხვის შედეგები 13 ოქტომბერს გახდება ცნობილი, რის შემდეგაც მესამე კორპუსის ბაზაზე და მის მიმდებარე ტერიტორიაზე სამშენებლო სამუშაოებისთვის მზადება დაიწყება.

პირველ არხს თანამედროვე ტექნოლოგიებით აღჭურვილი ახალი შენობა 2020 წლისთვის ექნება.