ვრცლად პროექტებზე, რომლებიც მეოთხე დღეა, პოლიტიკური დაპირისპირების თემაა. საუბარია პუშკინის სკვერთან მდებარე 1 900 კვადრატული მეტრის ტერიტორიაზე და თაბორის მთაზე 4 500-მდე კვადრატული მეტრის ფართზე, რომლებსაც საკრებულოს გადაწყვეტილებით, ზონალური სტატუსი შეეცვალათ.

პირველ შემთხვევაში მიწისქვეშა პარკინგის მოწყობა იგეგმება, თაბორის მთაზე კი რეკრეაციული ზონის მოსარწყავად დამატებითი საირიგაციო სისტემა უნდა განთავსდეს.

სამუშაოების დამკვეთი თანაინვესტირების ფონდია, რომელიც ორივე პროექტს პანორამა-თბილისის ფარგლებში ახორციელებს.

ოპოზიციის განცხადებების გამო, განმარტებას აკეთებს ბოტანიკური ბაღის ადმინისტრაციაც. დირექტორი ხაზს უსვამს, რომ თაბორის მთაზე დაგეგმილი სამუშაოები ბაღთან არანაირ კავშირშია.