დაკავება თაღლითობის ფაქტზე. ფინანსთა სამინიტროს საგამოძიებო სამსახურმა ბრალდებულების სახით 14 პირი მისცა პასუხისგებაში.

გამოძიებით დადგინდა, რომ მათ სხვადასხვა პერიოდში დაამზადეს 1997-1998 წლებით დათარიღებული ყალბი მიღება-ჩაბარების აქტები, რომლის თანახმად მათ სახელმწიფოსგან საკუთრებაში გადაეცათ მიწის ნაკვეთები.

გაყალბებული დოკუმენტების გამოყენებით, ბრალდებულმა პირებმა საკუთრებად დაარეგისტრირეს სოფელ ნატახტარში, საგურამოსა და სოფელ დიღომში არსებული საერთო ჯამში 45 650 კვ/მ მიწის ფართობი.

მართლსაწინააღმდეგოდ დაუფლებული ქონების ღირებულება დაახლოებით ერთ მილიონ ლარს შეადგენს.