რა შეიცვალა 2012 წლის შემდეგ - ფონდი ღია საზოგადოება - საქართველოს მიერ წარმოდგენილი კვლევის ანგარიში წამების, არაადამიანურ და ღირსების შემლახველ მოპყრობასთან ბრძოლის კუთხით 2012-2017 წლებში საქართველოში არსებულ მდგომარეობას ეხება.
კვლევა ასახავს იმ პროგრესს, რომელსაც მიაღწია საქართველომ როგორც საკანონმდებლო, ასევე პრაქტიკული კუთხით. კვლევის ავტორების თქმით, რამდენიმე მიმართულებით მიღწეული პროგრესის მიუხედავად, სისტემური რეფორმები კვლავ არ განხორციელებულა.
ანგარიშში ყურადღება ეთმობა პატიმართა რაოდენობას, პენიტენციურ დაწესებულებებში არსებულ პირობებს, ჯანდაცვოს სფეროს, პრევენციულ მექანიზმებს და გამოძიების ფაქტებს.
კვლევა ეყრდნობა ადამიანის უფლებათა სფეროში მოქმედი ავტორიტეტული საერთაშორისო, რეგიონული და ადგილობრივი საზედამხედველო ორგანოების, ისევე როგორც, საერთაშორისო და ადგილობრივი არასამთავრობო ორგანიზაციების მოხსენებებს და ანგარიშებს.