“ლეიბორისტული პარტია“ ორ ოქტომბერს ქართველთა გენოციდის დღედ დაწესებას ითხოვს.
ამის შესახებ "ლეიბორისტული პარტიის" ლიდერმა შალვა ნათელაშვილმა გმირთა მემორიალთან განაცხადა.
შალვა ნათელაშვილმა პარტიის წევრებთან ერთად მემორიალი გვირგვინით შეამკო და 1992 წლის ორ ოქტომბერს გაგრაში განვითარებული მოვლენები გაიხსენა.
პარტიის ლიდერის განმარტებით, აფხაზეთში ქართველთა გენოციდი განხორციელდა, სახელმწიფომ კი უნდა უზრუნველყოს დამნაშავეთა იდენტიფიცირება.
"ორ ოქტომბერს დაეცა გაგრა და გაჩაღდა ქართველთა არნახული გენოციდი, რომელიც დღემდე გრძელდება. ოკუპირებულ ტერიტორიებზე, იმ დონეზე რომ გაგრაში მოჭრილი თავებით ქართველების ფეხბურთი ითამაშეს. მოვუწოდებ საქართველოს პრეზიდენტს, საქართველოს პარლამენტს, გამოცხადდეს ორი ოქტომბერი ქართველთა გენოციდის დღედ და ყველა დამნაშავე, ვინც აქტიურად მონაწილეობდა კონფლიქტში, ომში, ქართველთა გენოციდში, გამოცხადდეს ინტერპოლის საშუალებით ძებნაში, დაიძებნოს ისინი დედამიწის ყველა კუთხეში", - განაცხადა შალვა ნათელაშვილმა.