კატალონიაში ესპანეთიდან გამოყოფის მოთხოვნით რეფერენდუმი დაიწყო. კრიზისის კულმინაცია - სწორედ ასე აფასებს ესპანური პრესა დღეს კატალონიაში მიმდინარე მოვლენებს.
ესპანეთისგან დამოუკიდებლობის მოთხოვნით, პლებისციტის ჩატარებას მკაცრად ეწინააღმდეგება მადრიდი.
ესპანეთის საკონსტიტუციო სასამართლომ რეფერენდუმი უკანონოდ რამდენიმე თვის წინ გამოაცხადა. პოლიციამ რამდენჯერმე ამოიღო რეფერენდუმის ბიულეტენები.
კატალონიის მთავრობის არაერთი მაღალჩინოსანი დააპატიმრეს. მიუხედავად ამისა, კატალონიის მთავრობამ რეფერენდუმის ჩატარება მაინც გადაწყვიტა. კატალონიაში 7 მილიონზე მეტი ადამიანი ცხოვრობს. თუ უმრავლესობამ მხარი დამოუკიდებლობას დაუჭირა, მაშინ ესპანეთის ავტონომიური რეგიონი, შესაძლოა, ესპანეთის შემადგენლობიდან გამოვიდეს.
მიმდინარე მოვლენებს მოამბის ჟურნალისტი ქეთი თუთბერიძე აშუქებს.