საქართველო-რუსეთის საზღვრის დაღესტნის მონაკვეთზე, ქართულ საგუშაგოსთან მომხდარი აფეთქებისას დაშავებული ქართველი მესაზღვრეები ამ დრომდე დამწვრობის ცენტრში რჩებიან.

ექიმის განცხადებით, სამი პაციენტიდან ერთი ქირურგიულ, ორი კი რეანიმაციულ განყოფილებაშია. მათი ჯანმრთელობის მდგომარეობა მძიმეა.

კლინიკაში შინაგან საქმეთა მინისტრსაც ელოდებიან. სამინისტროს წინასწარი ინფორმაციით, 25 სექტემბერს ქართულ საგუშაგოსთან განთავსებულ კარავში ბუნებრივი აირის ბალონი აფეთქდა.

სასაზღვრო პოლიციის უფროსი ლეიტენანტი ადგილზევე დაიღუპა. მომხდარზე გამოძიება მიმდინარეობს.