ექვსთვიანი ხმაურიანი განხილვების შემდეგ საკონსტიტუციო ცვლილებების პროექტი მიღებულია. დოკუმენტმა 117 დეპუტატის მხარდაჭერა მოიპოვა, მათ შორის ორი საპარლამენტო უმრავლესობის წევრი არაა.
კენჭისყრის დროს ოპოზიციიდან დარბაზში მხოლოდ ,,პატრიოტთა ალიანსის” წევრები ისხდნენ, დანარჩენებმა რიგგარეშე სხდომა პროტესტის ნიშნად დატოვეს.
პროპორციულ საარჩევნო სისტემაზე გადასვლის 2024 წლისთვის გადავადება და პრეზიდენტის არჩევის წესი - ძირითადად ამ ორი საკითხის გამო ოპოზიციამ დარბაზიდან გასვლამდე საკონსტიტუციო ცვლილებები კიდევ ერთხელ გააკრიტიკა.
მმართველი გუნდი კონსენსუსის არარსებობაზე პასუხისმგებლობას ოპონენტებს აკისრებს. პარლამენტის თავმჯდომარე ოპოზიციას ახსენებს, რომ მათი პირველი ბოიკოტის დროს ცვლილებების პროექტში პროპორციული სისტემის ამოქმედების თარიღად ჯერ ისევ 2020 წელი ეწერა.
ხმაური დარბაზში და პარლამენტს გარეთ - მიშა ფეიქრიშვილი დეტალებით.