თბილისისა და რეგიონების სკოლების ნაწილში სანიტარიულ-ჰიგიენური ნორმები დარღვეულია. არაერთი გაფრთხილების მიუხედავად, მოუწესრიგებელი საპირფარეშოები სასწავლო დაწესებულებების ერთ-ერთ გამოწვევად რჩება.

ამ მხრივ სურათი განსაკუთრებით მძიმეა რეგიონებში, სადაც ზოგიერთ შემთხვევაში შესაბამისი ინფრასტრუქტურა და წყალგაყვანილობაც კი არ არსებობს.

შექმნილ ვითარებაში სკოლების ადმინისტრაციასთან ერთად სფეროს სპეციალისტები განათლების სამინისტროს პასუხისმგებლობაზეც მიუთითებენ.