მექსიკის ხელისუფლებამ ძლიერი მიწისძვრის შედეგად დაზარალებულ ოახაკას შტატში საგანგებო მდგომარეობა გამოაცხადა. აღნიშნული რეჟიმი 75 მინიციპალიტეტში მოქმედებს.
მთავრობის განკარგულებით, ადგილობრივი მთავრობა ქვეყნის ცენტრალური ბიუჯეტიდან და სპეციალური ფონდიდან დახმარების მიღებას შეძლებს, რათა დაზარალებული მოქალაქეები დროულად დააბინაოს და პირველი საჭიროების საგნებით უზრუნველყოს.
23 სექტემბერს ოახაკაში მომხდარი სტიქიის გამო, მექსიკის მთავრობამ დროებით შეაჩერა მეხიკოში 7 სექტემბერს დაფიქსირებული მიწისძვრისას დაკარგულთა სამაშველო ოპერაცია. განმეორებითი ბიძგების გამო, მეხიკოში პანიკა დაიწყო. ათასობით ადამიანმა სახლები დატოვა. გავრცელებული ცნობით, ორი მოქალაქე გულის შეტევით გარდაიცვალა.
ბოლო მონაცემებით, სტიქიას მექსიკაში 307 ადამიანის სიცოცხლე ემსხვერპლა.