საქართველო ცნობილი ამერიკელი ფოტოგრაფის და ეთნოგრაფის ედუარდ კურტისის ექსპოზიციას მასპინძლობს. ნამუშევრები 3 მუზეუმში იქნება წარმოდგენილი - „აბრეშუმის მუზეუმი“, ისტორიის მუზეუმი და ხელოვნების სასახლე..

ამერიკელი ინდიელების ყოფა-ცხოვრებას და კულტურას ის სურათები ასახავს, რომლებიც ფოტოგრაფმა 1900- 1930 წლებში გადაიღო. ჩრდილოეთ ამერიკაში ედუარდ კურტისმა 80 მდე ტომი მოინახულა და ფირზე აღბეჭდა.

ედუარდ კურტისის კოლექციიდან 18 ფოტო და სხვადასხვა სახის აქსესუარი პირველად ხელოვნების სასახლეში გამოიფინა. გამოფენა ამერიკის შეერთებული შტატების საელჩოს მხარდაჭერით ხორციელდება.