სექტემბერი 21, 2017
183
გაერო-ს ტრიბუნიდან რუსეთს მსოფლიო ლიდერების მწვავე კრიტიკის მოსმენა უწევს.
აშშ, დიდი ბრიტანეთი, უკრაინა, ლატვია, ლიტვა, ესტონეთი - წამყვანი ქვეყნების პირველმა პირებმა გენერალური ასამბლეის 72-ე სესიაზე საქართველოსა და აღმოსავლეთ უკრაინაში განვითარებული მოვლენები გაიხსენეს და ოფიციალურ მოსკოვს საერთაშორისო სამართლის ნორმების დაცვისკენ ამჯერად ნიუ იორკიდან მოუწოდეს.
განცხადებებში იყო მკაფიო შეფასებებიც. სიტყვით გამომსვლელებმა კრემლი მეზობელი ქვეყნების სუვერენიტეტის შელახვაში და დესტაბილიზაციაში ღიად დაადანაშაულეს.
ევროპის ქვეყნების ლიდერთა გამოსვლებში გაჟღერდა კიდევ ერთი მთავარი გზავნილი - ასამბლეის მონაწილეებმა გაერო-ს რუსეთის აგრესიული ქმედებების შესაჩერებლად გააქტიურება სთხოვეს.
მაჩვენე მეტი