მსოფლიო ბანს შესაძლოა საგამოძიებო უწყებაში მოუხდეს მისვლა. პაატა ბურჭულაძის ფონდის საქმიანობით მთავარი პროკურატურა ინტერესდება. უწყება ახლა ადგენს, იხარჯებოდა თუ არა ფონდ ,,იავნანას” ხელმძღვანელების მხრიდან საქველმოქმედო საღამოებიდან შესული დიდი ოდენობით თანხები არამიზნობრივად.
ძიების დაწყების თხოვნით პროკურატურას ერთ-ერთმა არასამთავრობო ორგანიზაციამ მიმართა, რომელიც, თავის მხრივ, ამავე თემაზე მომზადებულ საგამოძიებო რეპორტაჟს ეყრდნობა.
სიუჟეტში საუბარია ოთხ სახლზე, რომელთა ბინადრების მტკიცებით, მრავალშვილიანი ოჯახებისთვის გადაცემის დროს საცხოვრებლად უვარგისი იყო.
ბრალდებას უარყოფს ,,იავნანას” დირექტორი - მეტი დამაჯერებლობისთვის მან დღეს ,,მოამბეს” ბენეფიციარებისთვის გადაცემული სახლების ფოტოებიც მიაწოდა.