ლონდონის „პარსონს გრინის“ მეტროსადგურში 15 სექტემბერს მომხდარ აფეთქებაში ეჭვმიტანილი მეორე პირი დააკავეს. ინფორმაციას ლონდონის პოლიცია „სქოთლანდ იარდი“ ავრცელებს.
The Guardian-ის ცნობით, გაერთიანებული სამეფოს კონტრტერორისტული სამსახურის მიერ გამართულ საგანგებო სხდომაზე მიღებული გადაწყვეტილების თანახმად, ლონდონში საფრთხის შემცველობის უმაღლესი დონე შენარჩუნდება.
ლონდონის გარეუბნებში სპეცრაზმი კონტრტერორისტულ ოპერაციას რამდენიმე საათის განმავლობაში ახორციელებდა, რის ფარგლებშიც ათობით შენობა გაჩხრიკეს. საპორტო ქალაქ დოვერში დაკავებულ 18 წლის ეჭვმიტანილს ლონდონის პოლიციას უახლოეს საათებში გადასცემენ.
გაერთიანებული სამეფოს უშიშროების საბჭოს სხდომაზე განაცხადეს, რომ ტერორისტი მარტო არ მოქმედებდა და მას არაერთი თანამზრახველი ჰყავს.
„პარსონს გრინის“ მეტროში განხორციელებული ტერაქტის შედეგად 30 ადამიანი დაშავდა. ტერაქტზე პასუხისმგებლობა თვითგამოცხადებულმა ისლამურმა სახელმწიფომ აიღო.