ლონდონის მეტროში განხორციელებულ ტერაქტში ეჭვმიტანილი დაკავებულია. 18 წლის მამაკაცი ინგლისის სამხრეთ-აღმოსავლეთით, დოვერში აიყვანეს. მისი სახელი და გვარი ჯერჯერობით არ საჯაროვდება.

ამ დროისთვის ქვეყნის მასშტაბით საფრთხის დონის მაჩვენებელი კრიტიკულ ნიშნულამდეა გაზრდილი.

პარსონს გრინის მეტროსადგურში განხორციელებული ტერორისტული აქტის შედეგად 27 ადამიანი დაშავდა, რამდენიმე მათგანის მდგომარეობა კი კრიტიკულია. მომხდარზე პასუხისმგებლობა უკვე აიღო ე.წ. ისლამურმა სახელმწიფომ .