ლონდონში მომხდარ აფეთქებას დონალდ ტრამპი ეხმაურება. როგორც აშშ-ის პრეზიდენტი „ტვიტერში“ წერს, „ხელმოცარულმა ტერორისტებმა კიდევ ერთი თავდასხმა მოაწყვეს ლონდონში“.

ტრამპის თქმით, „ისინი ავადმყოფები და შეშლილები არიან, რომელთაც სკოტლანდ იარდი უთვალთვალებდა.“

„ხელმოცარულ ტერორისტებს უფრო მკაცრად უნდა მოვექცეთ. ისინი გადაბირების ინსტრუმენტად ყველაზე ხშირად ინტერნეტს იყენებენ, რომელიც უნდა შევზღუდოთ და უკეთესად გამოვიყენოთ მათ წინააღმდეგ“, - წერს „ტვიტერში“ დონალდ ტრამპი.

შეგახსენეთ, რომ ლონდონის მეტროში აფეთქება დღეს დილით მოხდა. დაშავებულთა რიცხვი 18-ს აღწევს.