ერაყის პრემიერ-მინისტრმა ჰაიდერ ალ-აბადიმ 25 სექტემბერს დანიშნული ქურთების დამოუკიდებლობის რეფერენდუმი არაკონსტიტუციურ ქმედებად შეაფასა, რომელიც ერაყის ტერიტორიულ მთლიანობას საფრთხეს უქმნის. Reuters-ის ცნობით, პრემიერმა ქურთები ქალაქ კირკუკში ერაყის სახელმწიფოს კუთვნილი ნავთობის მოპარვაში დაადანაშაულა. ალ-აბადიმ ქურთისტანის ლიდერებს დიალოგისკენ მოუწოდა.
„ჩვენ ბევრი რამ გვაქვს გასარკვევი, ამიტომაც, აუცილებელია მოლაპარაკებების მაგიდას მივუსხდეთ და რიგი საკითხები განვიხილოთ“ - განაცხადა ჰაიდერ ალ-აბადიმ.
ქურთისტანის დამოუკიდებლობის რეფერენდუმი 25 სექტემბერს გაიმართება. 2014 წელს ერაყში მცხოვრები ქურთები თვითგამოცხადებული „ისლამური სახელმწიფოს“ მიერ მასობრივი ხოცვის მსხვერპლად იქცნენ. ქურთი ჯარისკაცები თითქმის სამი წელია, ერაყსა და სირიაში ჯიჰადისტების წინააღმდეგ იბრძვიან.