სექტემბერი 12, 2017
110
შუახევის მუნიციპალიტეტში, სოფელ დარჩიძეების ტყეში ხანძარი ლოკალიზებულია, - ამის შესახებ პირველ არხს შუახევის გამგებელმა, ტარიელ ებრალიძემ განუცხადა.
მისი თქმით, დამწვარია 300 კვადრატული მეტრამდე ბუჩქნარი.
შუახევის გამგებლის ინფორმაციით, ადგილზე რჩებიან სახანძრო-სამაშველო სამსახურის წარმომადგენლები, რომლებიც დილიდან, ხანძრის სრულად ლიკვიდაციის მიზნით, ტერიტორიას კიდევ ერთხელ შეამოწმებენ.
შუახევში, სოფელ დარჩიძეების ტყეში ხანძარი 11 სექტემბერს, საღამოს გაჩნდა. ცეცხლის კერა სოფლიდან დაახლოებით რვა კილომეტრის დაშორებით, მიუვალ ადგილზე იყო. მეხანძრე-მაშველები ადგილზე ფეხით მივიდნენ და ხანძრის ლოკალიზება რამდენიმე საათში შეძლეს.
მაჩვენე მეტი