ზურაბ ვაზაგაშვილის ოჯახის ადვოკატის მიმართვის შემდეგ პროკურატურა ძიებას იწყებს. სავარაუდოდ, საქმე ეხება კორტების სპეცოპერაციის საქმეში მსჯავრდებულის ოჯახიდან მოწმეზე ზეწოლის ფაქტს. საუბარია მოქალაქე კობა გოგატიშვილზე, რომელიც 11 წლის წინ ჩატარებულ სპეცოპერაციას შეესწრო, ჩვენებაში კი თქვა, რომ ვაზაგაშვილის მანქანიდან გასროლა არ ყოფილა.
ადვოკატების ინფორმაციით, ვიდეომასალა, სადაც გოგატიშვილი მასზე განხორციელებულ ზეწოლაზე საუბრობს, უკვე პროკურატურაშია.
როგორც ირკვევა, გამომძიებლების კითხვებზე პასუხების გაცემა მსჯავრდებულ ირაკლი ფირცხალავას ოჯახის წევრებს მოუწევთ. საგამოძიებო უწყებაში უკვე დაბარებულია კრიმინალური პოლიციის ყოფილი მაღალჩინოსნის მეუღლე,, რომელიც მოწმესთან კომუნიკაციას ადასტურებს, თუმცა თანხის შეთავაზებას, ზეწოლას და მუქარას უარყოფს.