კულტურული მემკვიდრეობის სააგენტოს მონიტორინგის ჯგუფმა ფიტარეთის მონასტრის მიმდებარე ტერიტორიაზე, სასულიერო პირების მიერ მძიმე ტექნიკის გამოყენებით ჩატარებულ სამუშაოებზე დასკვნა გამოაქვეყნა.
სააგენტოს დასკვნაში აღნიშნულია, რომ ამ სამუშაოებს არქიტექტურული ნაგებობებისთვის ახალი დაზიანებები არ მიუყენებია, არქეოლოგიურ ფენებზე კი უმნიშვნელო ზეგავლენა იქონია. ახალი დაზიანებების კვალი არ ეტყობა არც მონასტრის კედლებს და არც მის გალავანს, მათ შორის სამხრეთ-აღმოსავლეთ კუთხეში ჩართულ გოდოლს, სადაც სხვადასხვა პერიოდის სამშენებლო ფენები იკვეთება - ნათქვამია დასკვნაში.
კულტურული მემკვიდრეობის სააგენტო აცხადებს, რომ მისთვის მიუღებელია ძეგლებზე მსგავსი სამუშაოების უნებართვოდ განხორციელება.
გამოვლენილი დარღვევის საფუძველზე ფიტარეთის მონასტერს წერილობითი გაფრთხილება მისცა.