ქარის გამო ხელახლა გაღვივებული კერები. ბორჯომის ხეობაში ორ ლოკაციაზე ცოცხალი ძალის მობილიზება გახდა აუცილებელი.
სოფელ დაბასთან დღის პირველ ნახევარში ადგილობრივებმა ტყეში დაკვამლიანება შენიშნეს. ადგილზე მისულ შინაგან საქმეთა სამინისტროს თანამშრომლებს ლიკვიდირებული ხანძრის ორი კერა გაღვივებული დახვდათ, თუმცა ღია ცეცხლის გარეშე.
შესაბამისი ღონისძიებების შემდეგ, სტიქიის სალიკვიდაციო შტაბში აცხადებენ, რომ პანიკის საფუძველი არ არსებობს და ვითარება კონტროლს ექვემდებარება.
ბორჯომის ხეობაში დღეს კიდევ ერთი ოპერაცია შესრულდა. სასაზღვრო პოლიციის ვერტმფრენი, რომელმაც ავარიული დაშვების დროს მდინარე გუჯარულაზე კატასტროფა განიცადა, წყლიდან ამოიტანეს. ექსპერტიზის მიზნით ბორტის თბილისში ტრანსპორტირდა.
როგორ ვითარდებოდა მოვლენები ბორჯომის ხეობაში და რა ვითარებაა ადგილზე ამ წუთისთვის - ნინო ფისაძე გვიერთდება პირდაპირ ეთერში.