აგვისტო 27, 2017
324
აზერბაიჯანში, სამხედრო საწყობში მომხდარი აფეთქების შედეგად 6 ადამიანი დაშავდა. ამის შესახებ ადგილობრივ მედიას აზერბაიჯანის ჯანდაცვის სამინისტროს პრესსამსახურში განუცხადეს. მათვე განმარტებით, დაზარალებულების სიცოცხლეს საფრთხე არ ემუქრება. პარალელურად, ცნობილი ხდება, რომ აფეთქების მიზეზების დასადგენად აზერბაიჯანის პრეზიდენტის დავალებით სპეციალური კომისია შეიქმნა, რომელშიც პროკურატურის, საგანაგებო სიტუაციების სამსახურის, თავდაცვის და ჯანდაცვის სამინისტროს წარმომადგენლები შედიან.
აზერბაიჯანის ხიზინისკის რაიონის სოფელ გილიაზში მდებარე საწყობში აფეთქება დღეს დილით მოხდა. ამჟამად ადგილზე ძლიერი ხანძარია. მობილიზებულები არიან მეხანძრეები. მიმდებარე სახლებიდან მოქალაქეების ევაკუაცია განხორციელდა.
მაჩვენე მეტი