ბარსელონაში მომხდარი ტერაქტის შემსრულებელს მთელს ევროპაში ეძებენ. კატალონიის პოლიცია ადასტურებს, რომ პირი, რომელიც ბარსელონაში რამბლას ბულვარში ფურგონით შევარდა, იუნეს აბუიაქუბია, - ამის შესახებ კატალონიურ რადიოსთან ინტერვიუში რეგიონის შინაგან საქმეთა მინისტრმა ხოაკიმ ფორნმა განაცხადა.
სამართალდამცველების ინფორმაციით, თავდასხმისას მანქანაში ერთი ადამიანი იმყოფებოდა.
„ყველაფერი იამზე მიუთითებს, რომ მძღოლი აბუიაქუბი იყო“, - განაცხადა ფორნმა. მისი თქმით, ჯერჯერობით არ არის ინფორმაცია, რომ ეჭვმიტანილმა კატალონიის ტერიტორია დატოვა, თუმცა მას ყველა ევროპულ სახელმწიფოში ეძებენ.
17 აგვისტოს კატალონიაში განხორციელებული ორი თავდასხმის შედეგად დაიღუპა 14 და დაშავდა 130-მდე ადამიანი.
ტერაქტზე პასუხისმგებლობა „ისლამურმა სახელმწიფომ" აიღო.