გერმანიის კანცლერი ანგელა მერკელი თურქეთს აკრიტიკებს და ინტერპოლის საკუთარი მიზნებისთვის გამოყენებაში ადანაშაულებს. საუბარია თურქი წარმოშობის გერმანელი მწერლის დოღან აქხანლის დაკავებაზე, რომელიც საერთაშორისო ორგანიზაციამ ესპანეთში აიყვანა.
დოღან აქხანლი დაპატიმრების მიზეზად მის ნაწარმოებებში თურქეთის კრიტიკას ასახელებს. მწერალი ასევე ოსმალეთის იმპერიიდან 20-ე საუკუნის დასაწყისში, სომხების მასობრივ დეპორტაციას გენოციდად აღიარებს.
დაკავებული მწერლის გათავისუფლება მხოლოდ მას შემდეგ მოხერხდა, რაც გერმანიისა და ესპანეთის საგარეო საქმეთა მინისტრებს შორის სატელეფონო საუბარი შედგა. ანგელა მერკელის განცხადებით, დაუშვებელია საერთაშორისო ორგანიზაციების მსგავსი მიზნებით გამოყენება.
თურქეთის ხელისუფლებას ექსტრადიციის შესახებ საფუძვლიანი განაცხადის წარსადგენად 40 დღე აქვს, რის შემდეგაც მიმართვას სასამართლო განიხილავს და გადაწყვეტილებას გამოიტანს.
აღნიშნული პერიოდის განმავლობაში, დოღან აქხანლის ესპანეთის ტერიტორიის დატოვება ეკრძალება.