ამერიკის შეერთებული შტატების ვიცე-პრეზიდენტი მაიკ პენსი დარწმუნებულია, რომ ვენესუელაში ვაშინგტონის მიერ სამხედრო მოქმედებების აუცილებლობა დღის წესრიგში არ დადგება.
მისი თქმით, ნიკოლას მადუროს რეჟიმზე ზეწოლა საერთაშორისო თანამეგობრობის მიერ ეკონომიკური სანქციების დაწესებით უნდა განხორციელდეს.
ბუენოს-აირესში ოფიციალური ვიზიტით ჩასულმა აშშ-ის ვიცე-პრეზიდენტმა აღნიშნა, რომ არგენტინის მთავრობა ვენესუელასთან მიმართებაში ვაშინგტონის პოზიციას სრულად იზიარებს.
12 აგვისტოს დონალდ ტრამპმა განაცხადა, რომ ამერიკის შეერთებულ შტატებს ვენესუელაში რამდენიმე არჩევანი აქვს, მათ შორის სამხედრო მოქმედება და ინტერვენცია. აშშ-ის პრეზიდენტის თქმით, ვენესუელელი ხალხი მადუროს რეჟიმის გამო იტანჯება, რის გამოც დასავლეთის მოქმედება აუცილებელია.