ანაკლია-განმუხურის დამაკავშირებელი საავტომობილო ხიდი გადაკეტილია. ხიდზე მჯდომარე საპროტესტო აქციას „ჯემ ფესტის“ ბილეთების კონტროლიორები მართავენ. აქციის ერთ-ერთმა მონაწილემ ცოტნე ვართაგავამ პირველ არხს განუცხადა, რომ აქციას დილიდან მართავენ, თუმცა უშედეგოდ. ისინი კუთვნილ ანაზღაურებას ითხოვენ.
„ხუთას ლარზე გვქონდა შეთანხმება, თუმცა მხოლოდ ას-ასი ლარი ჩაგვირიცხეს. „ჯემ ფესტის“ ადმინისტრაცია შეხვდა ზოგიერთს და დაპირდა, რომ სექტემბერში რაღაც ივენთებს მოაწყობენ და იქიდან გადაგვიხდიან. ჩვენ ეს არ გვაწყობს. პროტესტის ნიშნად, გზა გადავკეტეთ. არ ვაპირებთ დაშლას. აქ პატარა დაპირისპირებაც კი იყო. მაინც აქ ვრჩებით“, - განაცხადა ცოტნე ვართაგავამ.
ადგილზე ზუგდიდის პოლიციის სამმართველოს თანამშრომლებია არიან მობილიზებულნი.