2017 წლის 19 აგვისტოს საქართველოში გადამფრენ ფრინველებზე ნადირობის სეზონი იხსნება.
გადამფრენ ფრინველებზე ნადირობის მსურველებმა ნადირობისას თან უნდა იქონიონ გარემოდან ფრინველების ამოღებაზე დაწესებული მოსაკრებლის გადახდის დამადასტურებელი ქვითარი და საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტი. მოსაკრებლის გადახდა შესაძლებელია საქართველოს ნებისმიერ ბანკში.
2017-2018 წლების ნადირობის სეზონისთვის ნადირობისთვის დაშვებულ გადამფრენ ფრინველთა სახეობების ჩამონათვალი, ნადირობის ვადები და დღიური ლიმიტების შესახებ ინფორმაცია განთავსებულია გარემოსა და ბუნებრივი რესურსების დაცვის სამინისტროს ოფიციალურ ვებ-გვერდსა და სოციალურ ქსელში.