შერიგებისა და სამოქალაქო თანასწორობის საკითხებში სახელმწიფო მინისტრი, ქეთევან ციხელაშვილი კონფლიქტის მიმართულებით მომუშავე არასამთავრობო ორგანიზაციებს მისი უწყების საქმიანობის ერთწლიან შედეგებს აცნობს.
მისი თქმით, დღეს განხილვის მთავარი თემაა ოკუპაცია, ოკუპირებულ ტერიტორიებზე არსებული ვითარება, გამოწვევები და მათთან გამკლავების გზები. მისივე თქმით, საუბარი შეეხება უწყების სამომავლო გეგმას და კონფლიქტის დარეგულირებაში სახალხო დიპლომატიის როლს.
ქეთევან ციხელაშვილის თქმით, უწყების მთავარი მიმართულება იქნება კონფლიქტით დაზარალებულ მოსახლეობაზე ზრუნვა, განსაკუთრებით კი იმ ადამიანების დახმარება, ვინც მავთულხლართების მიღმა ცხოვრობენ. ქეთევან ციხელაშვილის განმარტებით, იქ მცხოვრებ მოქალაქეებს აქვთ გადაადგილებისა და ქართულ ენაზე განათლების მიღების საშუალება. მინისტრის თქმით, სახელმწიფო ცდილობს, მათ ყველაზე მცირე, უსაფრთხო გარემო შეუქმნან.