რამდენიმე საათში თბილისს ამერიკის ვიცე-პრეზიდენტი ესტუმრება. მაიკ პენსს, მეუღლესთან ერთად საერთაშორისო აეროპორტში საღამოს 7 საათისთვის ელოდებიან. ეს საქართველოში ტრამპის ადმინისტრაციის უმაღლესი წარმომადგენლის პირველი ვიზიტი იქნება. ვიცე-პრეზიდენტი, რომელიც რუსეთის მიმართ მწვავე განცხადებებით გამოირჩევა, თბილისში ორი დღე დარჩება.
ოფიციალური შეხვედრები ხვალიდან დაიწყება. დაგეგმილია აუდიენცია ხელისუფლების პირველ პირებთან. ვიცე-პრეზიდენტი საქართველოში პრემიერ-მინისტრის მოწვევით ჩამოდის.
მაიკ პენსის ვიზიტის განსაკუთრებულ მნიშვნელობაზე ყველა მხარე თანხმდება. მმართველ გუნდში ვიცე-პრეზიდენტის ჩამოსვლას შეერთებული შტატების მხარდაჭერის დადასტურებად აფასებენ და აცხადებენ, რომ ვიზიტი ორი ქვეყნის ურთიერთობას ახალ ეტაპზე გადაიყვანს.
მიშა ფეიქრიშვილი განავრცობს თემას.