ირაკლი კობახიძემ ანა დოლიძეს კონსტიტუციური უფლების განხორციელების საშუალება არ მისცა - ამის შესახებ პრეზიდენტის მრჩეველმა განაცხადა.


ფიქრია ჩიხრაძე გუშინ პარლამენტში მომხდარ დაპირისპირებას გამოეხმაურა, სადაც ანა დოლიძე პარლამენტში ორ სხვადასხვა კანონპროექტზე პრეზიდენტის მოტივირებულ შენიშვნებს წარადგენდა.

სიტყვით გამოსვლა პრეზიდენტის საპარლამენტო მდივანს რამდენჯერმე შეაწყვეტინეს. ბოლოს კი ირაკლი კობახიძემ ანა დოლიძეს უთხრა, რომ ის საჯარო მოხელეა და პოლიტიკური თანამდებობის პირთან პოლემიკაში შესვლის უფლება არ აქვს. თავის მხრივ ანა დოლიძემ კობახიძეს თანამდებობისთვის შეუფერებელი უწოდა.