„თბილისი მოლი“ 3X3-ზე კალათბურთში საქართველოს ჩემპიონატის ფინალურ ეტაპს უმასპინძლებს.

თბილისის ტურით ლისზე დაწყებულმა ტურნირმა რეგიონებში გადაინაცვლა და, ქვეყნის მასშტაბით, 12 საუკეთესო გუნდი გამოვლინდა. ისინი საქართველოს ჩემპიონის ტიტულისთვის იბრძოლებენ - გამარჯვებული აგვისტოში რუმინეთში გასამართ ბუქარესტ-ჩელენჯზე გაემგზავრება.

3X3- ზე კალათბურთის ფინალურ ეტაპზე ტრადიციულად გაიმართება კონკურსები, 3-ქულიან სროლებში.

საქართველოს ტურნე საქართველოს კალათბურთის ეროვნული ფედერაციისა და რეგიონალური ფედერაციების ორგანიზებით იმართება.

საზოგადოებრივი მაუწყებლის პირველი არხი, ტურნირის ფინალის პირდაპირ ტელერეპორტაჟს 17:30 საათიდან შემოგთავაზებთ.