ე.წ. მწვანე ზოლით გაყოფილი კუნძულ კვიპროსის გაერთიანების მცდელობა კვლავ უშედეგოა. საერთაშორისო საზოგადოების აქტიური მონაწილეობის მიუხედავად, თურქეთსა და საბერძნეთს შორის კუნძული კვლავ უთანხმოების მიზეზია.

კუნძულზე თურქეთის ჯარების შეჭრის შემდეგ კვიპროსი მსოფლიოში ერთ-ერთი ყველაზე მილიტარიზებული ზონაა.

საერთაშორისო საზოგადოება კვიპროსზე თურქეთის შეჭრას ეწინააღმდეგება. გაერომ დეოკუპაციის შესახებ რამდენიმე რეზოლუციაც მიიღო, თუმცა ოფიციალური ანკარა მათ შესრულებაზე უარს ამბობს.