როგორ შევიმუშაოთ საავტორო უფლებების დაცვის ეფექტური მექანიზმები. ამ საკითხებზე ბათუმში ინტელექტუალური საკუთრების ეროვნული ცენტრისა და საქპატენტის მიერ ორგანიზებულ მესამე საერთაშორისო კონფერენციაზე მსჯელობენ.
ფორუმის მიზანი, ახალი მექანიზმების განხილვა და ამ კუთხით უცხოეთის ქვეყნების გამოცდილების გაზიარებაა.
კონფერენციაზე საქართველოში მომზადებულ საკანონმდებლო ცვლილებათა პაკეტზეც იმსჯელებენ, რომელიც ინტელექტუალური საკუთრების უფლებების აღსრულების მექანიზმების გაუმჯობესებას, მათ შორის ციფრულ სამყაროში საავტორო უფლებების დაცვას უზრუნველყოფს.
განიხილება ასევე საავტორო უფლებების დარღვევისა და მეკობრეობის წინააღმდეგ კერძო და საჯარო უწყებებს შორის დიალოგის, საერთაშორისო თანამშრომლობის გაღრმავების გზები.