ეროვნულ-დემოკრატიული ინსტიტუტის წინასაარჩევნო მონიტორინგის მისიის წარმომადგენლები თბილისის მერობის დამოუკიდებელ კანდიდატს შეხვდნენ. შეხვედრაზე მთავარი განსახილველი თემა საარჩევნო გარემო იყო.
შეხვედრის შემდეგ ალეკო ელისაშვილმა განაცხადა, რომ მნიშვნელოვანია და მისასალმებელია საერთაშორისო ორგანიზაციის ინტერესი თვითმმართველობის არჩევნების მიმართ და ხაზი გაუსვა მონიტორინგის აუცილებლობას.
ეროვნულ -დემოკრატიული ინსტიტუტის წინასაარჩევნო მონიტორინგის მისიის წარმომადგენლები ვიზიტის ფარგლებში დღესვე შეხვდნენ დიპლომატიური კორპუსისა და მედიის წარმომადგენლებს.
მისია ვიზიტის ფარგლებში შეხვდა პოლიტიკური პარტიების წარმომადგენლებს, არასამთავრობო სექტორის წარმომადგენლებს, საქართველოს პრემიერ-მინისტრსა და პრეზიდენტს.
თავად ეროვნულ-დემოკრატიული ინსტიტუტის წინასაარჩევნო მონიტორინგის მისიის წარმომადგენლები შემაჯამებელი განცხადების გაკეთებას 21 ივლისს გეგმავენ და სწორედ მაშინ გახდება ცნობილი მათი რეკომენდაციებიც.