საჯარო შესყიდვებით დაინტერესებულ მცირე და საშუალო ბიზნესის, ადგილობრივი შემსყიდველი ორგანიზაციებისა და არასამთავრობო სექტორის წარმომადგენლებთან, სახელმწიფო შესყიდვების სააგენტოს ხელმძღვანელობის შეხვედრა გაიმართა.
დისკუსიის მიზანი ბოლო პერიოდში განხორციელებული მთელი რიგი მნიშვნელოვანი რეფორმების შესახებ დამსწრეთა დეტალური ინფორმირება იყო. კერძოდ, საუბარი იყო პარლამენტის მიერ მიღებულ 2 ახალ კანონზე, რომლებმაც შეცვალეს საჯარო სახსრებით განსახორციელებელი შესყიდვების გარემო.
შეცვლილია მრავალი რეგულაცია, მიღებულია ახალი წესები და შემუშავებულია რეკომენდაციები, გამოცემულია უამრავი ახალი მეთოდურ-პრაქტიკული მითითება.
მსოფლიოში ერთ-ერთ მოწინავე ქართულ სახელმწიფო შესყიდვების ელექტრონულ სისტემაში დაინერგა ახალი შესყიდვის პროცედურები და ინოვაციური ელექტრონული სერვისები. შეხვედრა ევროკავშირის დაფინანსებით გაიმართა.