სამწუხაროდ, ოპოზიციის დიდი ნაწილი არ არის კონსტრუქციულად განწყობილი იმისკენ, რომ ჩვენ უფრო ფართო კონსენსუსს მივაღწიოთ, - ამის შესახებ საქართველოს პრემიერ-მინისტრმა გიორგი კვირიკაშვილმა განაცხადა.
მისი თქმით, კონსტიტუციის ცვლილებებზე მუშაობის პროცესში შექმნილი იყო საკონსტიტუციო კომისია, მის მუშაობაში ჩართვის საშუალება ჰქონდა ყველას, მათ შორის - პრეზიდენტს და მის ადმინისტრაციას.
"დღეს საკითხი ორი მოსმენით დასრულებულია. ჩვენ მზად ვართ, კიდევ გადავდგათ ნაბიჯები იმისათვის, რომ ვიპოვოთ საკითხები, რომელიც გარკვეულწილად შეარბილებს ამ ფონს და რაღაც დონის კომპრომისი იქნება ჩვენი მხრიდან. ამისთვის, ჩვენ მზად ვართ, ჩავერთოთ ოპოზიციურ პარტიებთან მოლაპარაკებებში. ხაზს ვუსვამ, ოპოზიციური პარტიების ნებისმიერ წარმომადგენელს აქვს საშუალება, ამ დიალოგში ჩაერთოს", - აღნიშნა გიორგი კვირიკაშვილმა.