ივლისი 8, 2017
77
საოკუპაციო ხაზის გაფართოების გამო,, გაეროში საქართველოს მისია უშიშროების საბჭოს და გენერალურ ასამბლეას მიმართავს.
სპეციალურ განცხადებაში ოფიციალური თბილისი რუსეთს საერთაშორისო სამართლის პრინციპების უხეშ დარღვევაში ადანაშაულებს და ხაზს უსვამს, რომ ბერშუეთში ე.წ. საზღვრის გადმოწევა უგულებელყოფს საქართველოს ძალისხმევას, რომელიც კონფლიქტის მშვიდობიანი მოგვარებისკენაა მიმართული.
განცხადების მიხედვით, ბოლო შემთხვევა კიდევ ერთხელ ადასტურებს იმის აუცილებლობას, რომ ადგილზე საერთაშორისო უსაფრთხოების ნორმები უნდა აღდგეს.
ამავე განცხადებაში ოფიციალური თბილისი საერთაშორისო საზოგადოებას რუსეთის უკანონო ქმედებების წინააღმდეგ შესაბამისი ზომების მიღებისკენ მოუწოდებს.
მაჩვენე მეტი