ზურაბ ვაზაგაშვილის და ალექსანდრე ხუბულოვის განზრახ მკვლელობის საქმეზე მსჯავრდებულების ირაკლი ფირცხალავას და გიორგი ცააძის ოჯახები და ადვოკატები მათ წინააღმდეგ დაკითხული მოწმეების ჩვენებების ირგვლივ, გამოძიების დაწყებას მოითხოვენ.
კორტების საქმეზე მსჯავრდებულების ახლობლებმა დღეს გამართულ ბრიფინგზე განაცხადეს, რომ ამ საქმეში პროკურატურამ ცრუ მოწმეები დაკითხა, შესაბამისად, მიღებული გამამტყუნებელი განაჩენი უკანონოა.
როგორც მსჯავრდებულების ახლობლები ამბობენ, სასჯელაღსრულების დაწესებულებაში მყოფი ირაკლი ფირცხალავა და გიორგი ცააძე მოწმეების ჩვენებებზე გამოძიების მოთხოვნით, უკვე მეოთხე დღეა შიმშილობენ.
რამდენიმე კვირის წინ სააპელაციო სასამართლომ პირველი ინსტანციის სასამართლოს განაჩენი ძალაში დატოვა, რომლის მიხედვით, ირაკლი ფირცხალავასა და გიორგი ცააძეს განზრახ მკვლელობის ბრალდებით, 12-12 წლიანი პატიმრობა მიესაჯათ.