ჰამბურგში „დიდი ოცეულის’“ სამიტი მიმდინარეობს. გერმანიაში ჩასული სტუმრები უკვე მიიღო გერმანიის კანცლერმა. ამის შემდეგ ლიდერებმა ფოტო გადაიღეს. ახლა შეხვედრა დახურულ კარს მიღმა მიმდინარეობს.

გავრცელებული ინფორმაციით, სამიტის კულისებში ერთმანეთს უკვე შეხვდნენ ამერიკისა და რუსეთის პრეზიდენტები, თუმცა კამერების გარეშე. დონალდ ტრამპმა და ვლადიმერ პუტინმა ერთმანეთს ხელი ჩამოართვეს.

ორი ქვეყნის პირველ პირებს შორის ოფიციალური შეხვედრა დღის მეორე ნახევარშია დაგეგმილი. მანამდე ისინი საერთო განხილვაში მონაწილეობენ.

მთავარ განსახილველ საკითხებს შორისაა კლიმატური ცვლილებები, ტერორიზმი, სირიისა და უკრაინის კრიზისი, ბირთვული პასუხისმგებლობა და საერთაშორისო პოლიტიკის სხვა საკითხები.