შსს-ს საგანგებო სიტუაციების მართვის სააგენტოს თბილისის სამმართველოს უფროსის მოადგილის დავით გელაშვილის განცხადებით ლილოს ნაგავსაყრელზე ხანძარი ლიკვიდირებულია, დარჩენილია ცალკეული ე.წ მხჩოლავი კერები, რომელიც ნაგავსაყრელს ახასიათებს.

„მიმდინარეობს ამ კერების დამუშავება და დაქრობა. შეტყობინება ხანძრის შესახებ 06:37 საათზე შემოვიდა. ადგილზე ორი ერთეული სახანძრო სამაშველო ჯგუფი იყო მობილიზებული. ძლიერი ქარის გამო, იქმნებოდა საშიშროება, ხანძარი ნაგავსაყრელის მიმდებარე ტერიტორიაზე გავრცელებულიყო. დამატებით იყო გამოძახებული ორი სახანძრო-სამაშველო ჯგუფი, რომლებმაც 10-15 წუთში მოახდინეს ბალახის ქვედა საფარის ხანძრის ლიკვიდაცია.

ამ მომენტში, ნაგავსაყრელზე მხჩოლავი კერების დამუშავება მოზიდული სასოფლო სამეურნეო დანიშნულების ტექნიკით, 5 ტრაქტორით და 5 თვითმცვლელით ხდება. ისინი ეხმარებიან მეხანძრე-მაშველებს საბოლოდ მხჩოლავი კერების დამუშავებაში“, - განაცხადა დავით გელაშვილმა.