ისრაელის ყოფილი პრემიერ-მინისტრი, პატიმრობიდან ვადაზე ადრე გაათავისუფლეს.

მთავრობის ყოფილი თავმჯდომარე, სასჯელს კორუფციის გამო იხდიდა. გავრცელებული ინფორმაციის თანახმად, გათავისუფლება მას შემდეგ გახდა შესაძლებელი, რაც პროკურატურამ, მისი პირობით ვადაზე ადრე გათავისუფლების შესახებ საბჭოს გადაწყვეტილება არ გაასაჩივრა.

ოლმერტი ისრაელის პირველი პრემიერ-მინისტრია, რომელიც ციხეში ჩასვეს.

მას 2014 წელს, ერთ-ერთი საცხოვრებელი კომპლექსის მშენებლობისას ქრთამის აღების გამო 6 წლით თავისუფლების აღკვეთა მიუსაჯეს და ჯარიმის გადახდაც დააკისრეს.

ოლმერტი ისრაელის პრემიერ-მინისტრი 2006-დან 2008 წლამდე იყო. თანამდებობა კორუფციული სკანდალების გამო დატოვა.