ხვალიდან 15 ივლისამდე თბილისი და გორი 19-წლამდე ფეხბურთელთა ევროპის ჩემპიონატს უმასპინძლებენ.

საქართველოს 19-წლამდელთა ნაკრების მთავარმა მწვრთნელმა, ევრო 2017-ზე მონაწილე 18 მოთამაშის განაცხადი უკვე წარადგინა.

ტურნირის მონაწილე გუნდები თბილისში, სასტუმრო „ჰუალინგში“ დაბინავდნენ, სადაც დღეს, მთავარმა მწვრთნელებმა პრესკონფერენციაც გამართეს. მათ ორგანიზაციულ მხარზე, მომავალ თამაშებსა და შანსებზე ისაუბრეს.

საქართველოს ნაკრებს „დინამოელი“ ლუკა ლოჩოშვილი ტრავმის გამო ვერ დაეხმარება. ჩემპიონატის გახსნის შეხვედრა 2 ივლისს, გორში გაიმართება, სადაც საქართველო პორტუგალიას შეხვდება.