ივნისი 30, 2017
86
პარლამენტის განათლების, მეცნიერებისა და კულტურის კომიტეტმა მაუწყებლობის შესახებ კანონში შესატან ცვლილებათა საკანონმდებლო პაკეტს მხარი დაუჭირა.
სხდომაზე, საკანონმდებლო პაკეტი საპარლამენტო უმრავლესობის წევრმა გიორგი ხატიძემ წარადგინა. დეპუტატებმა ცვლილებები პირველი მოსმენით განიხილეს, რის შემდეგაც, კანონმდებლებმა ინიციატივას კენჭი უყარეს. პროექტს მხარი 9 დეპუტატმა დაუჭირა.
ცვლილებები საპარლამენტო უმრავლესობის 13-მა დეპუტატმა მოამზადა. პროექტის მიზანი საზოგადოებრივი მაუწყებლის სამეურვეო საბჭოსა და გენერალური დირექტორის უფლებამოსილებათა გამიჯვნა, მაუწყებლის საქმიანობის მარეგულირებელი ნორმების დახვეწა და მისი გამართული საქმიანობისთვის სათანადო კანონმდებლობის შექმნაა.
მაჩვენე მეტი