პარლამენტი მაუწყებლობის შესახებ კანონში შესატანი ცვლილებების განხილვისთვის ემზადება. დაგეგმილია სამუშაო ჯგუფის მიერ მომზადებული კანონპროექტის ინიცირება, თუმცა მესამე სექტორს დოკუმენტის მიმართ შენიშვნები აქვს. არასამთავრობო ორგანიზაციების ავტორობით საკანონმდებლო ორგანოში ორი წერილი იგზავნება.
უფლებადამცველები კორუფციული გარიგების რისკს ხედავენ იმ მუხლს მიღმა, სადაც საზოგადოებრივი ითხოვს, შესყიდვების კანონი შემოქმედებითი პროდუქციის შეძენაზე აღარ გავრცელდეს.
ასეთ შემთხვევაში გადაცემების, სერიალების და ფილმების შესყიდვის დროს აღარ ჩატარდება ტენდერი, რა დროსაც მთავარი განმსაზღვრელი დაბალი ფასია.
ორგანიზაციებს კითხვები აქვთ მაუწყებლის გენერალური დირექტორის და სამეურვეო საბჭოს უფლებამოსილებები გამიჯვნის ნაწილშიც.